គណបញ្ជាការឯកភាព រួមជាមួយព្រះរាជអាជ្ញាខេត្តកំពង់ឆ្នាំងចុះធ្វើការហាមឃាត់សំណង់រឹងចំនួន២កន្លែងស្ថិតនៅក្នុងកំពង់ត្រឡាច។
(កំពង់ឆ្នាំង)រសៀលថ្ងៃទី 04 ខែមិថុនា 2026 ក្រុមការងារគណៈបញ្ជាការឯកភាព រួមជាមួយព្រះរាជអាជ្ញាខេត្តកំពង់ឆ្នាំង បានចុះធ្វើការហាមឃាត់សំណង់រឹង ដែលសាងសង់គ្មានច្បាប់អនុញ្ញាត យ៉ាងអនាធិបតេយ្យ ចូលចំណីមាត់ទន្លេ ព្រមទាំងកោះហៅម្ចាស់សំណង់ទាំងនោះមកធ្វើការសាកសួរ ទើបដឹងថា ការសាងសង់នេះគ្មានច្បាប់។បន្ទាប់មកពីអ្នកបញ្ជាការឯកភាពរួមនឹងព្រះរាជអាជ្ញាខេត្តកំពង់ឆ្នាំងបានធ្វើការសំរោះសំរួលណែនាំដល់ម្ចាស់សំណង់ទាំងពីរ ដើម្បីឲ្យពួកគេសហការ រុះរើនិងធ្វើការកម្ទេចចោលឲ្យអស់ និងសំអាតឲ្យបានស្អាតពីកន្លែងសាងសង់ផងដែរ គណៈបញ្ជាការឯកភាព បានដាក់ឱសាន្និវាទដល់ម្ចាស់សំណង់ខុសច្បាប់មានរយៈពេលមួយខែ ដោយចាប់គិតពីថ្ងៃចុះហត្ថលេខានេះតទៅ សំណង់រឹងទាំងពីរកន្លែងនោះ គឺឃុំជ្រែស ហ្នឹងឃុំ កំពង់ត្រឡាច ស្រុកកំពង់ត្រឡាចខេត្តកំពង់ឆ្នាំង ដោយសាងសង់គ្មានការអនុញ្ញាតនិងច្បាប់ពីអាជ្ញាធរ។
