ពិធីបួងសួងដាក់ទូកចុះ ចេញពីបង្គងដង្ហែរឆ្ពោះទៅកាន់មាត់ទន្លេ ដើម្បី ចូលរួមប្រណាំងថ្នាក់ជាតិ ក្នុងពិធីបុណ្យ អ៊ុំទូក អកអំបុក បណ្ដែតប្រទីព និងសំពះព្រះខែ នៅរាជធានីភ្នំពេញនាពេលខាងមុខ៕

(កំពង់ឆ្នាំង) នៅព្រឹកថ្ងៃទី០៥​ ខែវិច្ឆិកា ២០២៤ នៅវត្តទេពធីតារាម( ហៅវត្តលោកយាយទេព) បានប្រារពពិធីបួងសួងដល់ទូកឈ្មោះ ទេពធីតាសែនជ័យ បារមីជំទាវទេព ស្ថិតនៅភូមិផ្សារឆ្នាំង សង្កាត់ផ្សារឆ្នាំង ក្រុង និង ខេត្តកំពង់ឆ្នាំង បានប្រារពពិធីបួងសួងក្រុងពាលីនិងសុំសេចក្ដីសិរីសួស្ដីតាមលក្ខណ:ប្រពៃណីពីបូរាណ៍តរៀងមក ក្នុងពិធីនេះដែរ មានការអញ្ជើញចូលរួម ក្រោមអធិបតីភាព ពីសំណាក់ ព្រះរីមស្លញាញ ឆន ឆុង ព្រះគ្រូព្រះចៅអធិកាវត្តទេពធីតារាម ឯកឧត្តម ទោ តែសុថារ៉េត តំណាងដ៏ខ្ពង់ខ្ពស របស់លោក ជំទាវ​ ជូរ ប៊ុនអេង រដ្ឋលេខាធិកាក្រសួងមហាផ្ទៃ ឯកឧត្តម គុយ ចន្ថា សមាជិកក្រុមប្រឹក្សា ឯកឧត្តម យុិន សាវ៉េន អភិបាលរងខេត្តកំពង់ឆ្នាំង ឯកឧត្តម ឧត្តមសេនីយ៍ត្រី អ៊ុំ សុភា មេបញ្ជាការដ្ឋានតំបន់សឹករងខេត្តកំពង់ឆ្នាំង ក្នុងខណ:នោះដែរ ឯកឧត្តម និងក្រុមការងារ សហការី បាននាំយកនូវ អំណោយសម្រាប់ឧបត្ថម្ភដល់ កីឡាករទូកដូចជា÷អង្ករចំនួន ២៥០ គីឡូក្រាម មី ១០ កេស ត្រី ខ ៥ យួរ ទឹកសេអុីវ ៥ យួរ ទឹកត្រី ៥ យួរ និង ថវិកាចំនួន ១.០០០ ០០០ ៛ (១លានរៀល) ឈ្លៀតក្នុងឱកាសនោះ ឯកឧត្តម អ៊ុំ សុភា មានប្រសាសន៍ផ្ដាំផ្ញើដល់កីឡាករ គ្រប់រូបទាំអស់ សូមគោរពវិន័យអោយបានល្អ​ និងរក្សាការរស់នៅសាមគ្គីគ្នាអោយបាល្អ ដើម្បីយកជ័យជំនៈ ក្នុងពេលប្រណាំងខានតែបាន៕